Connect with us

समाचार

बिश्व दृस्टी बिशेषज्ञ दिवस-2019

Published

on

काठमाडौँ, ९ चैत । हरेक जसो रोगको उपचारका प्रविधि विदेशबाट भित्र्याउने नेपालले आँखा उपचारको प्रविधि विदेश निर्यात गर्दछ भन्ने कमैलाई थाह हुनसक्छ । तर बास्तविकता यहि हो । नेपालका नेत्र विशेषज्ञहरु आँखा उपचारका नविनतम प्रविधि सहित विश्वका विभिन्न देशमा तालिम दिन जाने गरेका छन् ।
शनिबार विश्व दृष्टि विशेषज्ञ दिवसको अवसरमा नेपाल ओप्टोमेट्री एसोसिएशन र नेपाल ओप्टोमेट्री स्टुडेन्ट सोसाइटीद्धारा आयोजित कार्यक्रममा यससंग सरोकारवालाले नेपालले आँखा क्षेत्रमा गरेको प्रगतिको खुलेर प्रशंसा गरे ।
सोही कार्यक्रममा बोल्दै नेपाल नेत्रज्योति संघका अध्यक्ष प्राडा तीर्थप्रसाद मिश्रले नेपालको स्वास्थ्य क्षेत्रमा आँखा सेवाले लिएको फड्कोको बारेमा खुलेर चर्चा गरेका थिए । उनले आँखा उपचारका लागि सरकारको आफ्नै लगानीका पूर्ण स्वामित्वको अस्पताल नभईराखेको अवस्थामा नेपाल आँखा उपचारमा पूर्ण रुपमा निर्भर हुनु र विदेशमा समेत सहयोग गर्न सक्नु आफैमा ठूलो सफलता भएको बताए । उनले नेत्र विशेष, दृष्टि विशेषज्ञ तथा नेत्र सहायकहरुको मद्धतले नेपाललले टक्रोमा रोग उन्मुलन गरेको समेत बताए ।
नेपाल ओप्टोमेट्री एसोसिएशनका अध्यक्ष निरजदेव जोशीले आँखा उपचारको क्षेत्रमा दृष्टि विशेषज्ञहरुको भुमिका अत्यन्त महत्वपूर्ण भएको भन्दै सरकारले त्यसको महत्व नबुझेको बताए । उनले स साना स्कुले नानीहरु देखि बृद्ध उमेरका व्यक्तिहरुको दृष्टि परीक्षण गर्ने र उपचार गर्ने मात्रै नभई आँखा स्वास्थयको क्षेत्रमा समेत जनचेतना फैलाउने काममा आफूहरु लागिरहेको भन्दै राज्यको तर्फबाट आवश्यक समन्वय नभएको दुखेसो गरे ।
एसोसिएशनका कोषाध्यक्ष जुनु श्रेष्ठले नेपालमा २० बर्ष अघि देखि नै दृष्टी विशेषज्ञहरुको उत्पादन शुरु भईसकेको भएपनि त्यसको विकास विस्तार हुन नसकेको बताइन । उनले भनिन्, नेपालमा अहिलेसम्म ७०० दृष्टि विशेषज्ञ छन् । ती मध्ये नेपालमै अध्ययन गरेकाहरुको संख्या अहिले १०० मात्रै होला । बाँकी बाहिर अध्ययन गरेर आएकाहरु हुनुहुन्छ ।
नेपाल ओप्टोमेट्री स्टुडेन्ट सोसाइटीका अध्यक्ष कपिल गौतमले सरकारले दृष्टि विशेषज्ञहरुको महत्वलाई ध्यानमा राखी दरबन्दी, अवसर र अरु सुविधाका लागि पहल गर्नुपर्ने बताए ।
कार्यक्रममा बोल्दै स्वतन्त्र विद्यार्थी युनियन महाराजगञ्ज मेडिकल क्याम्पसका सभापति डा मिलन गैरेले दृष्टि विशेषज्ञहरुको भूमिकाको चर्चा गर्दै उपचार सेवामा त्यसको प्रभाव देखिएको बताए । उनले दृष्टि विशेषज्ञ, नेत्र विशेषज्ञ आदिको संयोजनबाटै नेपालको आँखा उपचारले विश्वको ध्यानाकर्षण गराउन सकेको भन्दै प्रशंसा गरे ।
यसअघि आँखा सेवाका लागि दृष्टि विशेष भन्ने नाराका साथ विशेषज्ञहरुले रयालीको आयोजना गरेका थिए । र्याली त्रिवि शिक्षण अस्पतालबाट चक्रपथ, बसुन्धरा, कान्ति अस्पताल हुँदै पुन त्रिवि शिक्षण अस्पतालमा आएर समापन भएको थियो ।
उक्त र्यालीमा ओप्टोमेट्री अध्यन्नरत बिद्यार्थी , शिक्षक तथा दृस्टी बिशेषज्ञ र आँखा स्वास्थ्य संग सम्बन्धित व्यक्तिहरुको सहभागिता थियो ।

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार