Connect with us

समाचार

डा. केसीको मर्म विपरित स्वास्थ्य सेवा बन्द नगर्न सरकार निकट चिकित्सक संघको आग्रह

Published

on

काठमाडौँ, ३० असार । प्रा. डा. गोविन्द केसीको अनशन र केसीको  समर्थनमा हुदै आएका  तथा तय गरियका दवाव मुलक कार्यक्रममा सन्दर्भमा अहिलेको सरकारमा सहभागी दल निकट मानिने दुईवटा चिकित्सक संघले आफ्नो धारणा सार्वजनिक गरेका छन् ।

तत्कालिन एमाले निकटको राष्ट्रिय चिकित्सक संघ र तत्कालिन माओवादी निकट मानिने नेपाल प्रगतिशील चिकित्सक संघको आज संयुक्त विज्ञप्ति निकाल्दै चार बुँदे धारणा सार्वजनिक गरेका हुन्।

विज्ञप्तीमा डा केसीको माग पुरा गराउन दवाव दिन भन्दै डा. केसीको मर्म विपरित केसी ले बन्द नगर भन्दा भन्दै स्वास्थ्य जस्तो सम्वेदनशील क्षेत्रमा सेवा बन्द गर्न खोजिएको भन्दै त्यसमा आफ्नो समर्थन नरहने स्पष्ट पारेको छ र आन्दोलन को तरिका बदल्न आग्रह समेत गरेको छ।

राष्ट्रिय चिकित्सक संघका अध्यक्ष डा सन्तोष पौडेल र प्रगतिशील चिकित्सक संघका कावा अध्यक्ष डा कृष्णसागर शर्माद्धारा संयुक्त रुपमा जारी विज्ञप्तीमा डा केसीको स्वास्थ्य प्रति सम्वेदनशील हुन र त्यसका लागि सुविधा सम्पन्न अस्पतालमा ल्याएर उपचारको व्यवस्था मिलाउन सरकार संग जोडदार माग गरेको छ  र नेपाल चिकित्सक  संघ साझा संघ भयको ले उपचारको लागि  समन्वय गर्न लाई आग्रह गरिएको छ ।

विज्ञप्तीमा देश संघियतामा गइ सकेकोले माथेमा कार्यदलको सुझावलाई थप छलफल गर्न, त्यसमा रहेका पाँच बर्षे करारलाई सच्याउन र स्वास्थ्यका सबै विधालाई समेटन माग गरेका छन् ।

यस्तै चिकित्सा शिक्षा र सेवालाई एकै मन्त्रालय अन्तरगर्त राख्नुपर्ने, अव खुल्ने मेडिकल कलेजलाई ट्रष्टको रुपमा लैजानुपर्ने र पुराना निजी मेडिकल कलेजलाई पाँच बर्ष भित्र ट्रष्टमा ल्याउनुपर्ने माग छ ।

यसैगरी प्रत्येक प्रदेशमा सरकारी मेडिकल कलेज वा प्रतिष्ठान नआएसम्म गरीव तथा जेहेन्दार तथा सिमान्तकृत विद्यार्थीलाई समावेश गरी राज्यले तोकेको मूल्यमा निजी मेडिकल कलेजमा पढाउने र खर्च राज्यले वेहोर्ने र  हाल कायम रहेको दश प्रतिशत छात्रबृ ित्तमा थप चालिस प्रतिशत थपि ५० प्रतिशत पुर्याउने र त्यहाँबाट उत्पादित जनशक्तिलाई दुर्गममा  सेवा प्रबाहमा सहजता ल्याउने उल्लेख छ ।

Click to comment

Leave a Reply

Your email address will not be published. Required fields are marked *

समाचार

कपिलवस्तु: गाउँको स्वास्थ्य चौकीमा विभिन्न रोगका विशेषज्ञहरु सहितको स्वास्थ्य शिविर

Published

on

कपिलवस्तु, भाद्र-१:-  कपिलवस्तु जिल्ला  वाणगंगा नगरपालिकाको पटना स्वास्थ्य चौकीले शनिबार  विभिन्न रोगका विशेषज्ञहरु सहितको स्वास्थ्य शिविर संचालन गरेको छ। स्वास्थ्य शिविरमा ९ सय ९९ जनाले विशेषज्ञ सेवा सहितको  स्वास्थ्य सेवाहरु पाएका छन् ।

स्वास्थ्य सेवा लिनेहरुमा अधिकांश मुटु र छातीको समस्या भएका विरामीहरु रहेको स्वास्थ्य चौकी प्रमुख काशीराम रेग्मीले जनाएका छन्  ।

पटना स्वास्थ्य चौकीआयोजक रहेको कार्यक्रममा  लियो क्लब अफ बुटवल मणिमुकुन्द युथ संगको सहकार्य र सिद्धबाबा सुपरस्पेशलिष्ट हस्पीटल एण्ड रिसर्च सेन्टर बुटवलको प्राविधिक सहयोगमा मुटुरोग विशेषज्ञ, फोक्सो दम तथा छाती रोग विशेषज्ञ, मृगौला रोग विशेषज्ञ, मुत्ररोग विशेषज्ञ सेवा र जनरल फिजिसियन सेवा उपलव्ध गराइएको स्वास्थ्य चौकीले जनाएको छ ।

कार्यक्रममा  स्वास्थ्य चौकी प्रमुख काशिराम रेग्मीले स्वास्थ्य सम्बन्धि विभिन्न कार्यक्रम गर्न स्वास्थ्यचौकीका लागि बजेट छुट्याउन नगर कार्यपालिका समक्ष अपिल गरे । कार्यक्रमलाई सम्बोधन गर्दै वाणगंगा नगर कार्यपालिकाका मेयर मंगल थारुले पटना स्वास्थ्य चौकीले सञ्चालन गरेको निशुल्क स्वास्थ्य शिविर कार्यक्रमको प्रसंशा गर्दै नगरले स्वास्थ्य सम्बन्धि विभिन्न कार्यक्रम सक्दो सहयोग गर्ने प्रतिवद्धता व्यक्त गरेका थिए।

पटना स्वास्थ्य चौकीका अध्यक्ष तथा वडा अध्यक्ष राम विहारी चौधरीको अध्यक्षता वाणगंगा नगर कार्यपालिकाका मेयर मंगल थारुको प्रमुख अथित्यता  रहेको कार्यक्रममा  मृगौला रोग विशेषज्ञ डाक्टर शक्ति बस्नेत, फोक्सो दम तथा छाती रोग विशेषज्ञ यमन चन्द प्रधान,बरिष्ठ पेट/छाति तथा मुटुरोग विशेषज्ञ एबं जनरल फिजिसियन डा. दिनेश गौतम, वरिष्ठ मुत्र रोग विशेषज्ञ डा. सुवास चन्द चौधरी,स्वास्थ्य चौकी प्रमुख काशीराम रेग्मी लगायतको उपस्थिति थियो ।

Continue Reading

समाचार

गर्भजाँच नगर्ने र अस्पतालमा सुत्केरी नगराउनेलाई कपिलवस्तुकाे वाणगंगामा आमा समूहले कार्वाही गर्ने

Published

on

कपिलवस्तु असार २६ वाणगङ्गा नगरपालिका वडा नं १० पटना स्वास्थ्य चौकि  अन्तरगतको एक स्वास्थ्य अामा समुहले नेपाल सरकारको प्रोटोकल अनुसार ४ पटक गर्भ जाँच गर्न असहज वातावरण सिर्जना गरेमा, स्वास्थ्य संस्थामा प्रसूति गराउन नलगेमा, मादक पदार्थ सेवन गरि होहल्ला गर्ने गरेमा र महिला माथि कुनै किसिमका हिंसात्मक गतिविधि गरेमा रु १००० जरिवाना गराउने निर्णय गरेको छ। 

कार्यक्रममा महिला स्वास्थ्य स्वयंसेविका  निर्मला चौधरी, वडा अध्यक्ष राम बिहारी चौधरी, पटना स्वास्थ्य चौकिका प्रमुख  काशीराम रेग्मी, सुआहरा प्रतिनिधि श्री विन्दु भुसाल लगायत करिब ४५ घरधुरीका महिला प्रतिनिधि को उपस्थिति रहेको थियो बैठकले  अामा समुहको वैठक हरेक महिना गर्ने र हरेक बैठकमा स्वास्थ्य सम्बन्धी कुनै एक विषयमा छलफल गर्ने निर्णय समेत गरेको छ ।

कार्यक्रममा बोल्दै पटना स्वास्थ्य चौकीका प्रमुख काशीराम रेग्मीले स्वास्थ्य आमा समुहको सो निर्णयको प्रसंशा गर्दै आफु तथा स्वास्थ्य चौकीको तर्फ बाट पूर्ण सहयोग गर्ने प्रतिबद्धता व्यक्त गरे ।

 

Continue Reading

समाचार

त्रिवि जनस्वास्थ्य केन्द्रीय विभागको प्रमुखमा डा.पौडेल नियुक्त

Published

on

काठमाडौं, असार २६ ।  त्रिभुवन विश्वविद्यालय चिकित्साशास्त्र अध्ययन संस्थान (आईओएम) अन्तरगर्त स्थापना भएको जनस्वास्थ्य केन्द्रीय विभागको प्रमुखमा सहप्राध्यापक डा. आमोदकुमार पौड्याल नियुक्ति भएका छन् । मिति २०७६/०३/२० गते बसेको त्रि.वि कार्यकारी बैठकको निर्णय अनुसार (चलानी नम्बर: ५५८/०७५-७६) चार वर्षको लागि पूर्णकालीन अबधिको लागि प्रमुखमा नियुक्ति भएका छन ।

यस अघि त्रिविले जनस्वास्थ्यको केन्द्रीय विभाग गठन गरेको पाँच महिना पछि २०७५/११/२० गते तिन महिनाको लागि पौड्याललाई अस्थाई रुपमा विभागीय प्रमुखको रुपमा नियुक्ती दिएको थियो ।

२०७५/५/१७ गते बसेको त्रिवि कार्यकारी परिषदको बैठकले जनस्वास्थ्य क्षेत्रको सर्वोपरी विकास र सेवा विशिष्ठीकरणको लागि भन्दै जनस्वास्थ्य केन्द्रीय विभाग गठन गर्ने निर्णय गरेको थियो ।

विभाग गठन भएको पाँच महिना वितिसक्दा समेत विभागको प्रमुख नियुक्ति ढिलाई भएको भन्दै महाराजगञ्ज मेडिकल कलेजकोस्व.वि.यु ले तीन महिनासम्म डीन कार्यालय बन्द गरेको थियो ।

यस्तै नेपाल जनस्वास्थ्य संघ (नेफा)ले समेत त्रिवि पदाधिकारी तथा डीन कार्यालयलाई पटक पटक ध्यानाकर्षण गराएको थियो । पछि डीन कार्यालयको ताला खोल्न भएको सम्झौँतामा विभागीय प्रमुख तत्काल नियुक्ति गर्ने उल्लेख थियो । सोही अनुसार आइओएमका डीन प्राडा जगदीश अग्रवालले त्रिविलाइ विभागीय प्रमुखको निम्ति लिखित राय पेश गरेका थिए ।

पौड्यालले त्रिवि अन्तर्गत जनस्वास्थ्य बिभागमा विगत २७ वर्षदेखि  प्राध्यापन गर्दै आएका थिए ।पौड्याल पूर्णकालीन अबधिको लागि प्रमुखमा नियुक्ति भएसगै नेपालको जनस्वास्थ्य विधामा नयाँ आयाम थपिएको भन्दै नेपाल जनस्वास्थ्य संघका केन्द्रीय सदस्य कमल रानाभाटले प्रतिक्रिया दिएका छन् ।

 

Continue Reading
Advertisement " />

प्रमुख समाचार