Connect with us

समाचार

भारतबाट आयातित माछा, मासु खान अयोग्य

Published

on

वीरगन्ज : भारतबाट आयातित एक कन्टेनर मासु र माछा वीरगन्ज भन्सार कार्यालयले बरामद गरी नष्ट गरेको छ। कोलकाताबाट वीरगन्ज नाका हुँदै भित्र्याउन लागिएको अवस्थामा भन्सार कार्यालयले खान अयोग्य ठहर्‍याएको खसी र राँगाको तयारी मासु तथा माछा बरामद गरी आइतबार नष्ट गरेको हो।

कोलकातास्थित बीएन इन्टरप्राइजेजबाट काठमाडौंको मेट्को फुडले खरिद गरेको मासु र माछासहितको एचआर ६९ सी ६२२० नम्बरको कन्टेनर वैशाख १५ गते भन्सार कार्यालयमा आइपुगेको थियो।कन्टेनरमा रहेका मासु र माछाको गुणस्तर परीक्षण गर्न भन्सारले पशु क्वारेन्टाइन कार्यालय वीरगन्जमा पठाएको थियो। राँगाको मासु ७० क्विन्टल, खसीको मासु १२ क्विन्टल, माछा ३१ क्विन्टल ६ सय ४३ कार्टुनमा प्याक गरिएको २२ लाख ५९ हजार २ सय ४० रुपैयाँ मूल्य बराबरको रहेको जनाइएको छ ।

पशु क्वारेन्टाइन कार्यालयले कन्टेनरमा रहेका मासु र माछा खानयोग्य नरहेको प्रमाणित गरेपछि आइतबार साँझ वीरगन्ज भन्सार कार्यालयको यार्डमै खाल्डो खनेर पुरिएको भन्सार प्रमुख सेवन्तक पोखरेलले जानकारी दिए ।

‘विदेशबाट आयात हुने मासु, माछाको गुणस्तर चेकजाँच गर्न क्वारेन्टाइन कार्यालयमा पठाउने गरिन्छ’, उनले भने, ‘अहिले बरामद भएको मासु र माछा पनि हामीले चेकजाँच गर्न क्वारेन्टाइनमा पठाएका थियौं। क्वारेन्टाइनले उक्त मासु र माछा खान अयोग्य रहेको प्रमाणित गरेपछि आइतबार नष्ट गरिएको हो ।’

पशु क्वारेन्टाइन वीरगन्जका प्रमुख हरेराम यादवका अनुसार भन्सार कार्यालयले परीक्षणका लागि पठाएको मासु र माछा आयातकर्ता मेट्को फुडका प्रतिनिधिसँग ओरिजन सर्टिफिकेट र अन्तर्राष्ट्रिय सेनिटोरी सर्टिफिकेट मागिएको थियो। आयातकर्ताका प्रतिनिधि श्याम कार्कीले दुवै कागजात उपलब्ध गराउन नसक्ने लिखित जवाफ दिएपछि मासु र माछा खान अयोग्य रहेको प्रमाणित गरिएको उनले सुनाए।

कान्ति शाह को समाचार अन्नपुर्णपोष्ट बाट

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार