Connect with us

समाचार

अदालतसामु माफी माग्न डा.केसीलाई मोर्चाको आग्रह

Published

on

काठमाडौं – मिसन सिन्धुलीगढी राष्ट्रिय मोर्चाले डा. गोविन्द केसीलाई जनताका बीचमा माफी माग्न आग्रह गरेको छ। रिपोर्टर्स क्लबमा बुधबार पत्रकार सम्मेलन गरेर सर्वोच्च अदालतको मानहानी गरेको भन्दै डा. केसीलाई माफी माग्न आग्रह गरेको हो।

मोर्चाका अध्यक्ष विजय थापाले अनशनको नाममा पश्चिमा शक्तिहरुको आडमा अदालतमाथि प्रहार गरेको आरोप लगाउँदै डा. केसीलाई माफी माग्न आग्रह गरे। ‘स्वास्थ्य क्षेत्रमा भएका विकृतिलाई रोक्नुपर्ने उहाँको माग जायज छ, तर सरकारको नुनपानी खाएर अस्पतालमै धर्ना दिनु जायज होइन, कि खुल्ला राजनीतिमा आउनुपर्यो, उहाँले माफिया, भष्ट्र, दलाल जस्ता शब्दहरु प्रयोग गर्नुहुन्छ तर प्रमाणित कसैलाई गर्नुहुन्न, यसरी राजनीति गर्न पाइँदैन,’ उनले भने।

राष्ट्रको अहित हुने काम गर्नेलाई नछोड्ने भन्दै उनले थपे– ‘अदालतले पुर्जी काटेको खण्डमा अदालत जान्न भन्ने केसी को हुन? किन उनी अदालतसामु जाँदैनन्? उनी कुन शक्तिको आडमा यस्तो काम गर्दैछन्? त्यसको खोजी हुने कि नहुने? अदालतको आदेशलाई मानेर अदालत जानु भएन भने हामी अस्पतालबाट उठाएर अदालतमा राख्छौँ।’
हाम्रो पार्टी नेपालका संयोजक गोविन्द बोहराले अदालतको अवहेलनासम्बन्धी मुद्दा दर्ता गरेको बताएका छन्। उनले भने, ‘लोकतन्त्र र कानूनी शासनको पक्षधर भएको नाताले अदालतमाथिको प्रहारलाई सामान्य रुपमा लिन सकिएन त्यसैले मैले डा. गोविन्द केसीको बिरुद्धमा मुद्धा दर्ता गराएको छु, उहाँले आफ्नो गल्तिलाई मानवीय त्रुटि भन्नुहुन्छ अरुको डुब्लीकेट भन्नुहुन्छ, यूरोपियन यूनियन शक्तिको भरमा अदालतमाथि हमला गर्ने कुरा कुनैपनि हालतमा स्वीकार्य हुँदैन।’

डा. केसीको १४ पटकको अनशन र त्यसले उब्जाएका तरंगहरुले मुलुकको सर्वोच्चतामाथि प्रश्न चिन्ह खडा भएको भन्दै बोहराले शक्तिशाली नागरिकता आयोग गठनको माग गरेका छन्।

उनले भने, ‘मैले चुनाव अघि नै यो काम सक्नुपर्छ, नेपाली भन्दै गैरनेपालीहरुले नागरिकता प्राप्त गरेका छन् पहिले छानविन गरेर मात्र चुनाव जाउ र असली जनमत आउछ भनेको थिएँ, तर आज अदालतका नाममा भैरहेका अनेका दृश्यहरुले देखाउन खोजेका चित्रहरु सामान्य छैनन्, २०२० सालदेखि यता र २०६४ सालमा विशेषगरी मधेशमा हचुवाको भरमा नागरिकता बाँढियो त्यसले नेपालको राष्ट्रियतामाथि खतरा निम्त्यायो।’

श्नोत नारगरिक बाट साभार

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार