Connect with us

समाचार

स्वास्थ्यकर्मीको पारिश्रमिक २५० प्रतिशतसम्म वृद्धि गर्न प्रस्ताव

Published

on

अर्जुन अधिकारी/काठमाडौं, ३ फागुन। सरकारले स्वास्थ्यकर्मीको पारिश्रमिक भारी मात्रामा वृद्धि गर्ने तयारी गरेको छ । निजामती कर्मचारीको जस्तो सेवा–सुविधाका आधारमा स्वास्थ्यकर्मीले काम गर्न नसक्ने भन्दै सरकारले स्वास्थ्यकर्मीको पारिश्रमिक ५० देखि २ सय ५० प्रतिशतसम्म वृद्धि गर्न लागेको हो ।

स्वास्थ्य मन्त्रालयद्वारा गठित उपसमितिले सुगममा ५० र दुर्गममा काम गर्ने स्वास्थ्यकर्मीको हकमा २ सय ५० प्रतिशतसम्म पारिश्रमिक वृद्धि गर्न सिफारिस गरेको छ । चिकित्सकको हकहितका विषयमा निर्णय लिन भन्दै ८ असोज ०७४ मा सरकारले स्वास्थ्यसचिव पुष्पा चौधरीको संयोजकत्वमा समिति गठन गरेको थियो ।

सो समितिले विभिन्न विषयमा निर्णय लिन चार उपसमिति गठन गरेको थियो । चार उपसमितिमध्ये चिकित्सक तथा स्वास्थ्यकर्मीको पारिश्रमिक निर्धारणका विषयमा स्वास्थ्य मन्त्रालय चिकित्सा महाशाखा प्रमुख डा. भोलाराम श्रेष्ठको नेतृत्वमा गठित समितिले चिकित्सक तथा स्वास्थ्यकर्मीको पारिश्रमिक भारी मात्रामा वृद्धि गर्न सिफारिस गरेको हो । उपसमिति सदस्य डा. प्रकाश बुढाथोकीले विभिन्न शीर्षकमा गरी स्वास्थ्यकर्मीको पारिश्रमिक ५० देखि २५० प्रतिशतसम्म वृद्धि गर्न सिफारिस गरिएको जानकारी दिए ।

दुर्गममा सेवा दिनेलाई बढी प्रोत्साहन
समितिले दुर्गममा गएर स्वास्थ्य सेवा प्रवाह गर्ने स्वास्थ्यकर्मीको हकमा शतप्रतिशत पारिश्रमिक थप गर्न प्रस्ताव गरेको छ । ‘स्वास्थ्यकर्मीहरू दुर्गमभन्दा बढी सुगमकेन्द्रित हुने गरेका छन्,’ बुढाथोकीले भने, ‘दुर्गममा बसेर स्वास्थ्य सेवा दिन आकर्षित गर्नका लागि पनि शतप्रतिशत पारिश्रमिक वृद्धिको प्रस्ताव गरिएको हो ।’ चिकित्सक तथा स्वास्थ्यकर्मीको पारिश्रमिक निर्धारण समितिले सिफारिस गरेको प्रस्ताव पास भएको खण्डमा दुर्गममा काम गर्ने चौथो दर्जामा कार्यरत स्वास्थ्यकर्मीको मासिक पारिश्रमिक ७७ हजार पाँच सय ९५ पुग्नेछ । हाल चौथो दर्जाका स्वास्थ्यकर्मीले २२ हजार एक सय ७० रुपैयाँ तलब बुझ्दै आएका छन् ।

नेपाल चिकित्सक संघका सहकोषाध्यक्षसमेत रहेका डा. बुढाथोकीले भने, ‘चौथो तहदेखि १२औँ तहसम्मका स्वास्थ्यकर्मीलाई आधारभूत तलबमा प्राविधिक भत्ता २५ प्रतिशत, विशेष जोखिम भत्ता २५ प्रतिशत, दुर्गम क्षेत्र आकर्षण भत्ता शतप्रतिशत वृद्धि गर्न सिफारिस गरेका छौँ ।’ उनले दुर्गममा काम गर्ने स्वास्थ्यकर्मीलाई तलबी अध्ययन बिदा दिनुपर्ने बताए । हाल सरकारले दुर्गमका स्वास्थ्यकर्मीलाई बेतलबी अध्ययन बिदा दिँदै आएको छ । समितिले रात्रिकालीन ड्युटी गर्ने ४ देखि ६ तहसम्मका कर्मचारीलाई सात सय, सातौँ र आठौँ तहका कर्मचारीलाई एक हजार र त्यसमाथिका स्वास्थ्यकर्मीलाई १५ सय प्रतिरात भत्ता दिनुपर्ने प्रस्ताव गरेको छ । वार्षिक १५ दिन अनिवार्य तलबी बिदा र शिक्षण कार्यमा संलग्न भएका स्वास्थ्यकर्मीलाई प्रतिक्लास भत्ताको व्यवस्था गर्न पनि समितिले सिफारिस गरेको छ ।

सरकारी सेवामा ३१ हजार स्वास्थ्यकर्मी
देशमा जम्मा ३१ हजार ६ सय २७ स्वास्थ्यकर्मी सरकारी स्वास्थ्य संस्थामा कार्यरत छन् । डा. बुढाथोकीका अनुसार छैटौँ दर्जासम्मका ८० प्रतिशत स्वास्थ्यकर्मी दुर्गममा छन् । ९ र १०औँ तहका २० प्रतिशत मात्रै दुर्गममा छन् । बाँकी ११ र १२औँ तहका स्वास्थ्यकर्मीलाई दुर्गममा खटाइएको छैन । सुगममा बसेका चिकित्सक तथा स्वास्थ्यकर्मीलाई ५० प्रतिशत पारिश्रमिक वृद्धि र दुर्गममा गए २५० प्रतिशत वृद्धि गर्न समितिले सिफारिस गरेको हो ।

साभार नयाँ पत्रिका

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार