Connect with us

समाचार

डा. केसीको प्रश्न- ‘कति पैसा खाएर यस्तो निर्णय गरेको ?’

Published

on

काठमाडौं, २१ कार्तिक। शिक्षा मन्त्रालयले विवादित काठमाडौं नेसनल मेडिकल कलेजलाई यही शैक्षिक वर्षदेखि नै नयाँ भर्ना लिनेगरी सिट निर्धारण गर्न नेपाल मेडिकल काउन्सिललाई निर्देशन दिएको छ । स्वास्थ्य मन्त्रालयअन्तर्गतको मेडिकल काउन्सिलले आफैं अनुगमन गरेर सिट निर्धारण गर्ने अधिकार छ । शिक्षामन्त्री गोपालमान श्रेष्ठको निर्देशनमा काउन्सिललाई निर्देशन सहितको पत्राचार गरिएको हो । सम्बन्धन खारेज गर्ने त्रिवि निर्णय कार्यान्वयन नगर्नू भनी सर्वोच्च अदालतले दिएको अन्तरिम आदेश कार्यान्वयन बहानामा यस्तो निर्देशन दिइएको हो ।

शिक्षामन्त्री गोपालमान श्रेष्ठको निर्देशनमा मन्त्रालयले विवादित काठमाडौं नेसनल मेडिकल कलेजलाई यही शैक्षिक वर्षदेखि नै नयाँ भर्ना लिनेगरी सिट निर्धारण गर्न नेपाल मेडिकल काउन्सिललाई निर्देशन दिएको छ ।

सामान्यतया कलेजले विश्वविद्यालयबाट सम्बन्धन पाइसकेपछि सम्बन्धित विश्वविद्यालयले सिट निर्धारण गरेर पठाउँछ भने काउन्सिलले पनि सम्बन्धन पत्रको आधारमा आफैं अनुगमन गरेर सिट तोक्छ । काउन्सिलले यो शैक्षिक वर्षका लागि त्रिविअन्तर्गतका मेडिकल कलेजको सिट निर्धारण गरिसकेको छ । अस्पताल सञ्चालन अनुमतिलगायत पूर्वाधार नपुगेको भनी सम्बन्धन नै विवादमा परेको कलेजलाई यही शैक्षिक वर्षदेखि विद्यार्थी भर्ना गर्न दिन यस्तो चलखेल भएको हो । शिक्षा मन्त्रालयले पत्रमा कलेज सञ्चालकले दायर गरेको रिटमा कात्तिक ८ गते अन्तरिम आदेश जारी भएको उल्लेख गरेको छ । सो आदेशअनुसार त्रिविले कलेजलाई सम्बन्धन दिनेगरी साउन १२ मा गरेको निर्णयले निरन्तरता पाएको भन्दै काउन्सिल नियामावली २०२४ को नियम २० (ग) बमोजिम यथाशीघ्र कार्यान्वयन गर्न लेखिपठाएको उल्लेख छ । मन्त्रालयले २०७४ कात्तिक १४ मा यस्तो निर्णय गरेको थियो । सो नियममा काउन्सिलले निरीक्षण गरेर सिट निर्धारण गर्ने उल्लेख छ ।

पूर्वाधार नै नपुगेको घट्टेकुलोस्थित काठमाडौं नेसनल मेडिकल कलेजलाई दिएको सम्बन्धन खारेज गर्ने त्रिभुवन विश्वविद्यालय कार्यकारी परिषद्को निर्णय कार्यान्वयन नगर्न सर्वोच्च अदालतले अन्तरिम आदेश जारी गरेको थियो ।  मुद्दाको अन्तिम किनारा नलाग्दै र त्रिविको सम्बन्धनसम्बन्धी अन्तिम सहमति दिने निकाय आइओएम फ्याकल्टी बोर्डले निर्णय नै नगर्दै मन्त्रालयले काउन्सिललाई सिट निर्धारणको निर्देशन दिएको हो । न्यायाशीश डम्बरबहादुर शाहीको एकल इजलासले सम्बन्धन खारेजीको निर्णय कार्यान्वयन नगर्न नगराउन अन्तरिम आदेश दिएको थियो । कलेजका प्रिन्सिपल डा. जयोरुद्दिन अन्सारीले असोज ३१ मा त्रिवि निर्णयविरुद्ध रिट दायर गरेका थिए ।

शिक्षा मन्त्रालयको पत्र काउन्सिल पुगेलगतै डा. गोविन्द केसीले पत्रकार सम्मेलन आयोजना गरेर तत्काल निर्णय नसच्याए सत्याग्रह गर्ने घोषणा गरेका छन् । केसीले पत्रकार सम्मेलन स्थलबाटै शिक्षामन्त्री श्रेष्ठलाई टेलिफोन गरेर ‘गोपालमानजी कति पैसा खाएर यस्तो निर्णय गरेको’ भन्दै प्रश्न गरेका थिए । उनले मन्त्रालयले अधिकार क्षेत्रबाहिर गएर पत्र लेखेको भन्दै चेतावनी दिएपछि श्रेष्ठ शिक्षासचिव मधुप्रसाद रेग्मीले गरेको भन्दै पन्छिएका थिए । पत्रकार सम्मेलनका लागि उपस्थित पत्रकारका अगाडिबाटै केसीले चेतावनीयुक्त भाषामा ‘माफिया र भ्रष्ट नेतालाई आफूले नछाड्ने’ बताए । शिक्षाले यस्तो पत्राचार गर्न लागेको जानकारी पाउँनासाथ आफूले मन्त्रीलाई टेलिफोन गरेर पत्र रोक्न आग्रह गरेको केसीले बताए । तर आग्रह गरेको एक घन्टाभित्रै काउन्सिलमा पत्र पुगेको थियो । डा. केसीले शिक्षासचिव रेग्मीलाई समेत टेलिफोन गर्दा रेग्मीले मन्त्रीको निर्देशनमा यस्तो पत्र लेखेको जवाफ दिएका थिए । स्रोतका अनुसार अदालतको मुद्दा अन्तिम किनारा नलाग्दै सम्बन्धन कार्यान्वयन गरी विद्यार्थी भर्ना लिनसके सम्बन्धनले निरन्तरता पाउने भन्दै आइओएमसमेतको मिलेमतोमा चलखेल भइरहेको छ ।
त्यसैका लागि प्रवेश परीक्षामा प्रश्नपत्र बाहिरिएको पुष्टि हुँदा पनि आइओएमले पुनः परीक्षामा ढिलाइ गरिरहेको छ । ‘अब शिक्षाले बाटो खोलेपछि सबै काम गरेर भटाभट भर्ना लिने चलखेल हुँदैछ,’ स्रोतले भने, ‘शिक्षामन्त्रीदेखि त्रिवि पदाधिकारीसमेत आर्थिक प्रलोभनमा परेका छन् ।’

दीपक दाहाल/ नागरिक दैनिक बाट

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार