Connect with us

समाचार

चितवनलाई मेडिकल शिक्षा केन्द्र बनाउन तदारुकता

Published

on

चितवन २१ असोज। चितवनलाई ‘मेडिकल सिटी’ बनाउने कार्ययोजना सार्वजनिक गरिएको छ । ‘मेडिकल सिटी’ बनाउने  भनेको वर्षौं पछि सोहीअनुसार कार्यान्यनका लागि सुझावसहितको प्रतिवेदन तयार गरी सार्वजनकि गरिएको छ ।

क्यान्सरको उपचार हुने देशकै ठूलो अस्पताल रहेको, सरकारी अस्पताल पनि भौतिक पूर्वाधारले भरिपूर्ण भएको, दुई दुईवटा मेडिकल कलेज र अत्याधुनिक उपकरणसहित शिक्षण अस्पताल र अत्याधुनिक स्वास्थ्य उपकरण रहेको चितवनलाई मेडिकल सिटी बनाउन सकिने अवधारणा अघि सारेको लामो समयपछि मात्रै कार्य योजना सार्वजनिक गरिएको हो ।

चितवनको स्वास्थ्य क्षेत्र सुधार सुझाव कार्यदलले जिल्लालाई सबै खालका रोगको उपचार सम्भव हुने स्वास्थ्य निकायको केन्द्र बनाउनुका साथै मेडिकल शिक्षाको नमुना जिल्ला बनाउन सकिने सुझावसहितको प्रतिवेदन तयार गरेको छ।

    चितवनको स्वास्थ्य क्षेत्र सुधार सुझाव कार्यदलले जिल्लालाई सबै खालका रोगको उपचार सम्भव हुने स्वास्थ्य निकायको केन्द्र बनाउनुका साथै मेडिकल शिक्षाको नमुना जिल्ला बनाउन सकिने सुझावसहितको प्रतिवेदन तयार गरेको छ । भरतपुर अस्पताल विकास समितिका निवर्तमान अध्यक्ष विजय सुवेदी संयोजक रहेको कार्यदलले ‘उपचार नपाए चितवन जानु’ भन्ने मान्यता स्थापित हुने गरी योजना ल्याएको छ ।
जिल्लामा हाल पनि विभिन्न साना ठूला अस्पतालमा गरेर तीन हजार एक सय ५४ शड्ढया रहेका छन् । यहाँ नौं सय ६५ चिकित्सक कार्यरत रहेको कार्यदलका संयोजक सुवेदीले जानकारी दिए । चितवनको जनसंख्या अनुसार एकजना चिकित्सकले छ सय ७५ जनालाई सेवा दिनु पर्छ । त्यस्तै दुई सय छ  व्यक्ति बराबर एक शड्ढया उपलब्ध हुने गरेको सुवेदीले बताए ।
‘चितवनमा स्वास्थ्य क्षेत्रमा निकै नै विकास भएको छ । यसका साथै यहाँ कमी कमजोरी पनि छन् । ती कमजोरीलाई हटाएर स्वास्थ्य सेवालाई गुणस्तरीय र सर्वसुलभ बनाउन नीतिगत व्यवस्था गर्न हाम्रो कार्यदलले अध्ययन गरेर प्रतिवेदन तयार गरेको हो,’ सुवेदीले भने । उपचारका साथै चितवनमा मेडिकल विश्व विद्यालयको पनि परिकल्पना गरेको उनले बताए ।
कार्यदलले जिल्लामा मेडिकल बोर्ड गठन गर्न प्रस्ताव गरेको छ । सो बोर्डमा जिल्ला प्रशासन कार्यालयको नेतृत्वमा विशेषज्ञ चिकित्सकका प्रतिनिधि, निजी क्षेत्र र उपभोक्तासमेतका प्रतिनिधि रहने कार्यदलले सुझाव दिएको छ । सो कार्यदलले सेवा लिने क्रममा कुनै कमी कमजोरी भए न्याय दिलाउन, सरकारको स्वास्थ्य निर्देशन परिपालन गराउने काम गर्ने छ ।
त्यस्तै बिरामी, बिरामीका कुरुवा, अस्पताल र स्वास्थ्यकर्मीको चाप बढ्दै गएका कारण यो क्षेत्रको सुरक्षा व्यवस्था चुस्त बनाउन स्वास्थ्य सुरक्षा प्रहरी गठन गर्न पनि कार्यदलले सुझाव दिएको छ । दुर्घटना र प्राकृतिक प्रकोप जस्ता आपत्कालीन समस्यामा परेकाको उद्धार गरी तत्काल उपचार सेवा दिने उद्देश्यले आपत्कालीन उद्धार टोली बनाएर त्यसको केन्द्र भरतपुर अस्पताललाई बनाउन कार्यदलले प्रस्ताव गरेको छ ।
‘भरतपुरलाई मेडिकल सिटी बनाउने, सरसफाइमा नमुना जिल्ला बनाउने र स्वास्थ्य उपचारलाई पर्यटनसँग जोड्नेसम्मका योजना हामीले तयार गरेर प्रतिवेदन चितवन जिल्ला प्रशासन कार्यालयमा बुझाएका छौं,’ कार्यदलका संयोजक सुवेदीले भने ।
जिल्ला प्रशासन कार्यालयमा भएको सर्वपक्षीय बैठकले गत वर्षको माघमा कार्यदल गठन गरेको थियो । ‘हामीले चितवनमा स्वास्थ्य क्षेत्रमा के के सम्भावना छन्, त्यसको कार्यन्वयन कसरी गर्ने, अवसरको खोजी गर्ने र चुनौती पत्ता लगाएर त्यसबाट पार पाउने उपाय खोज्न कार्यदल बनाएका थियौं,’ चितवनका प्रमुख जिल्ला अधकिारी नारायणप्रसाद भट्टले भने ।
स्वास्थ्य संस्थाको गुणस्तर बृद्धि गर्ने, उपचारमा पहँुच पु¥याउने, सहज सेवा र नियमनसम्मका विषय प्रतिवेदनमा आएको प्रमुख जिल्ला अधिकारी भट्टले बताए । निजी स्वास्थ्य निकायसँग देखिने बिवाद व्यवस्थापन गर्न पनि कार्यदलले दिएको सुझाव महत्वपूर्ण हुने उनको भनाइ छ ।
‘प्रतिवेदन प्राप्त भएको छ । सरोकारवालासँग बसेर छलफल गर्दै कार्यन्वयनमा लैजाने छौं,’ प्रमुख जिल्ला अधिकारी भट्टले भने । चितवनमा विस २०१२ सालमा नै डिस्पेन्सरीको रूपमा हालको भरतपुर अस्पताल स्थापना भएको थियो । त्यस्तै ४४ सालमा आँखा अस्पताल खुलेको थियो । ५३ सालमा पहिलो पटक मेडिकल कलेज खुलेको थियो । ६३ सालमा अर्को मेडिकल कलेज थपिएको हो ।
भरतपुरमा चीन सरकारको सहयोगमा विस २०५७ सालदेखि देशकै प्रमुख क्यान्सर अस्पताल सञ्चालनमा छ । यहाँका विभिन्न अस्पतालमा सातवटा सिटी स्क्यान र तीनवटा एमआरआई मेशिन रहेको कार्यदलको प्रतिवेदनमा उल्लेख छ । सम्भावना हुँदाहुँदै पनि भरतपुरमा प्रशस्तै समस्या पनि रहेको प्रतिवेदनमा औंल्याइएको छ ।
अस्पतालबाट उत्पादन हुने फोहर व्यवस्थापनमा ज्यादै नै कमजोरी रहने गरेको छ । त्यस्तै चितवनमा बेलाबेलामा नयाँनयाँ खालका रोगको प्रकोप आउने तर यसबाट बच्न समयमै उचित व्यवस्थापन गर्ने परिपाटीको विकास नभएको कार्यदलको निस्कर्ष छ । ‘समस्या छन् तर समाधान गर्न नसकिने होइन । हामीले समाधानका उपाय पनि देखाएको छौं,’ कार्यदलका संयोजक विजय सुवेदीले भने ।

श्रोत नागरिक। रमेशकुमार पाैडेल

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार