Connect with us

समाचार

नेपाल सरकारको निर्णय र चिकित्सक संघको विरोधबारे डा. गोविन्द के.सि को प्रेस विज्ञप्ति

Published

on

काठमाण्डौ, ८ असोज। डा. गोविन्द के.सि ले अाज एक प्रेस विज्ञप्ति जारि गर्दै  तत्काल नेपाल चिकित्सक संघका  सबै मागहरु अक्षरशः पूरा गरेर समस्याको समाधान गर्न नेपाल सरकारलाई  अाग्रह गरेका छन्।

उनले भनेका छन् “उपचारको क्रममा कथित लापरवाही भएको खण्डमा सम्बन्धित चिकित्सकबाट क्षतिपुर्ति भराउने भन्ने निर्णय ले चिकित्सकहरुलाई त मार पर्छ नै, बिरामीलाई सबैभन्दा बढी मार पर्छ किनकि त्यस्तो व्यवस्था भएको खण्डमा चिकित्सकहरुले शल्यक्रियालगायत बढी जोखिम बढी भएका कामहरु नगर्ने र आफु लाइ  सुरक्षित महसुस हुने उपचार पद्धति मात्रै अपनाउने गर्दछन”।

प्रेस विज्ञप्तिः नेपाल सरकारको निर्णय र चिकित्सक संघको विरोधबारे

केही दिन अगाडि नेपाल सरकार मन्त्री परिषदले उपचारको क्रममा कथित लापरवाही भएको खण्डमा सम्बन्धित चिकित्सकबाट क्षतिपुर्ति भराउने भन्ने निर्णय गरेको भनेर सरकारका प्रवक्ताले सञ्चार माध्यमलाई बताएको तथा त्यसपछि विकास भएका घटनाक्रमहरुप्रति मेरो गम्भीर ध्यानाकर्षण भएको छ ।

नेपाल चिकित्सक संघको विरोध कार्यक्रमपछि सरकारले दुरुस्त त्यस्तो निर्णय नगरेको भनेर दिएको प्रष्टीकरणले राज्य कति हचुवा र गैर जिम्मेवार तरिकाले चलिरहेको छ भन्ने छर्लंग हुन्छ । प्रस्टीकरण दिए पनि राज्यको नियत अहिले पनि छर्लंग छैन । उपचारका क्रममा हुन जाने सबै भवितव्यलाई समेत लापरवाहीको वर्गमा राखेर चिकित्सकलाई दोहन गर्ने पछिल्लो समयमा बढिरहेको प्रवृत्तिलाई राज्यको यस्तो रवैयाले प्रश्रय दिन्छ । साथै न्युनतम लगानीमा यथेष्ट भौतिक पूर्वाधार र जनशक्ति नराखी अस्पताल चलाउनेहरुलाई उन्मुक्ति दिने र त्यस्तो अवस्थामा समेत काम गरेर अस्पताल धानिरहेका चिकित्सकहरुलाई आफ्नो नियन्त्रण बाहिरका कारणले हुने भवितव्यका लागि समेत जिम्मेवार ठहर्याउने प्रयास भएको देखिन्छ ।

त्यस्तो कदमले त चिकित्सकहरुलाई त मार पर्छ नै, बिरामीलाई सबैभन्दा बढी मार पर्छ किनकि त्यस्तो व्यवस्था भएको खण्डमा चिकित्सकहरुले शल्यक्रियालगायत बढी जोखिम बढी भएका कामहरु नगर्ने र आफ्रलाई सुरक्षित महसुस हुने उपचार पद्धति मात्रै अपनाउने देखिन्छ । त्यसले अहिले नै गहिरो रहेको डाक्टर–बिरामी सम्बन्धको खाडल झन् गहिर्याउने देखिन्छ । त्यसो गर्नुको सट्टा उपचारका क्रममा हुने लापरवाही रोक्नका लागि अहिले नै रहेका नियम कानुनहरु कडाइका साथ पालना गरेर निष्पक्ष रुपमा भवितव्य र लापरवाही छुट्याएर वास्तविक लापरवाही भएको अवस्थामा विद्यमान कानुनअनुसार कारवाही गरिनुपर्छ । साथै डाक्टरको लापरवाही नै नभएको अवस्थामा हुलहुज्जत र तोडफोडका भरमा अस्पतालहरुले क्षतिपुर्ति दिने र छानविन नहुने अवस्थाको अन्त गरिनुपर्छ । हरेक लापरवाहीका आरोपलाई प्रमाणका रुपमा पेश गर्ने अहिलेको परिपाटीले वास्तविक लापरवाहीका पीडितहरु न्यायबाट वञ्चित भइरहेका छन् भने केही चलाख र अनैतिक मानिसहरुले भवितव्यवश बिरामीको मृत्यू भएको अवस्थामा अस्पताल तोडफोड र चिकित्सक तथा स्वास्थ्यकर्मीहरुलाई हातपात गरेर ठूलो क्षतिपुर्तिका रुपमा अस्पतालको दोहन र चिकित्सकको बदनामी गरिरहेका छन् ।

यस्तो पृष्ठभुमिमा अवस्थालाई झनै भड्काउने गरी सरकारको निर्णय आउनु दुर्भाग्यपूर्ण कुरा हो । त्यसैले उक्त कानुनको कुरा मात्र नभई सबै चिकित्सकहरुको दीर्घकालीन हित हुने गरी नेपाल चिकित्सक संघले अघि सारेका सबै मागहरु तत्काल अक्षरशः पूरा गरेर समस्याको समाधान गर्न म नेपाल सरकारलाई हार्दिक आग्रह गर्दछु ।

डा गोविन्द केसी
त्रिवि शिक्षण अस्पताल, महाराजगन्ज, काठमाडौं । 
२०७४।६।८

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार