Connect with us

समाचार

चिकित्सा शिक्षा विधेयक संसदीय समितिबाट पारित

Published

on

काठमाडौँ, २७ साउन । व्यवस्थापिका संसदको महिला, बालबालिका जेष्ठनागरिक तथा समाज कल्याण समितिले चिकित्सा शिक्षा विधेयक संशोधनसहित पारित गरेको छ । दिउसो तीन बजे देखि सिंहदरबार बसेको समितिको बैठकले विधेयक पारित गरेको हो । समितिले पारित भएको यो विधेयक अब संसदमा जानेछ र त्यहाँबाट अन्तिम स्वीकृति पाउनेछ ।

समितिका सदस्य एवं एमाले सांसद डा बंशीधर मिश्रले कार्यदलले बुझाएको प्रतिवेदनमा केही बुँदामा संसोधन गर्दै विधेयक समितिबाट पारित भएको बताए । उनले डा गोविन्द केसीको विग्रदो स्वास्थ्य अवस्थालाई ध्यान दिँदै फास्टट्रयाकबाट विधेयक पास गरिएको बताए ।

आज पास भएको विधेयकमा नयाँ मेडिकल कलेज सम्वन्धनका लागि दफा १३ को उपदफा ६ थपिएको छ । जसमा यस दफामा जुनसुकै कुरा लेखिए पनि यो ऐन प्रारम्भ हुनु अघि सम्वन्धीत विश्वविद्यालयबाट आसय पत्र प्राप्त गर्ने मेडिकलवा डेन्टल वा नर्सिङ विषयको शैक्षिक कार्यक्रम सञ्चालन गर्न आवश्यक पर्ने पुर्वाधार तथा मापदण्ड पुरा गरिसकेकालाई यस ऐन बमोजिम सम्वन्धन दिन बाधा नपर्ने भन्ने उल्लेख छ ।
समितिले मापदण्ड नपुगेकालाई २ बर्ष भित्र पुरयाउन सक्ने समेत उल्लेख गरको छ ।

‘आसयपत्र पाई पूर्वाधार समेत सम्पन्न गरिसकेकाहरुलाई यस ऐन बमोजिम तोकिएका मापदण्ड पुरा भएको खण्डमा चिकित्सा शिक्षा आयोगको सिफारिसमा सम्वन्धीत विश्वविद्यालयबाट सम्वन्धन दिन सक्ने भयो,’डा मिश्रले भने ।

उनले सम्वन्धनका लागि कम्तिमा २ बर्ष अस्पताल सञ्चालन रहेको हुनुपर्ने समेत व्यवस्था गरिएको बताए । त्यसका लागि सम्वन्धीत अस्पतालले स्वास्थ्य सेवा कर तिरेको छ कि छैन भनेर जाँच गर्न सकिने बताए ।

डा केसीको अनसन लम्बिदै जाँदा र स्वाथ्य अवस्था विग्रँदै जाँदा उपप्रधान तथा शिक्षा मन्त्री गोपालमान श्रेष्ठ, स्वास्थ्य मन्त्री गिरिराजमणी पोखरेल, पूर्व स्वास्थ्य मन्त्री गगन थापा , माओवादीका नारायणकाजी श्रैष्ठ सहित माथेमा आयोगका प्रतिनिधिहरुको सक्रियताले मध्यमार्गी विकल्प रोजेको बताइन्छ । यसमा डा केसी पक्षधर समेत सहमति भएको बुझिएको छ ।

source:nepalihealth

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार