Connect with us

समाचार

स्वास्थ्य मन्त्रीमा गिरिराजमणी पोखरेल

Published

on

काठमाडौँ, १२ साउन । गिरिराजमणी पोखरेल ले बुधबार स्वास्थ्य मन्त्रालयमा पदभार ग्रहण गरेका छन्। पदभार ग्रहण क्रममा उनले स्वास्थ्य संविधानमै मौलिक हकका रुपमा उल्लेख गरिएकाले जनतालाई त्यसको अनुभूति गराउनु आफ्नो प्राथमिकतामा रहने बताए। उनले यसका लागि नयाँ स्वास्थ्य ऐन ल्याउने जानकारी गराए। ‘हामी संघीयतामा गएका छौं। संघ, प्रदेश र स्थानीय तहलाई अधिकार दिइएको छ। त्यसअनुसार स्वास्थ्यका काम र अधिकार पनि बाँडफाँट गर्नुपर्नेछ,’ मन्त्री पाखरेलले भने, ‘पहिले हामी सरुवा रोगमा आधारित रणनीति बनाउँथ्यौं। अहिले नेपाली समाजमा नसर्ने रोगको चाप बढेर ६२ प्रतिशत पुगेको हालै एउटा तथ्यांक पढेको थिएँ। त्यसैले नयाँ चुनौतीसँग जुध्न नयाँ नीति ल्याइनेछ।’

उनले स्वास्थ्यका निशुल्क कार्यक्रम, आधारभुत स्वास्थ्य र स्वास्थ्य बीमाका कार्यक्रम तथा भुकम्प पछि पुर्ननिर्माणको पालो पर्खेर बसेका स्वास्थ्यसंस्था तर्फ आफ्नो ध्यान केन्द्रीत हुने बताए ।

आफूले मन्त्री बन्नुअघि डा. गोविन्द केसी अनशन बसेको जानकारी पाएको बताउँदै डा. केसीका माग सम्बोधनका लागि पहल गर्ने प्रतिबद्धता जनाएका छन्।

विगतका कार्यकालमा पनि आफूले स्वास्थ्यमा कर्मचारीको सहयोग पाएको भन्दै यसपटक पनि सहयोगको अपेक्षा राखेको बताए । सो अवसरमा बोल्दै निमित्त स्वाथ्य सचिव डा विनोद श्रेष्ठले अनुभवी र स्वास्थ्यमा नाम राखिसकेको मन्त्री भएकोले आफूहरु ढुक्क रहेको भन्दै साथ दिन तयार भएको बताए ।

 

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार