Connect with us

समाचार

कार्यकक्षमै कुटिएपछि स्वास्थकर्मी आन्दोनलमा

Published

on

इलाम : आमालाई उपचार गराउन प्राथामीक स्वास्थ केन्द्र फिक्कल पुगेका दुई युवाले त्यहाँ कार्यरत हेल्थ असिस्टेन खाजुङ भोटेलाई कार्यकक्षमै कुटपिट गरेपछि स्वास्थकर्मीहरु आन्दोलित भएका छन् । बिहीबार साँझ उच्च रक्तचापकी विरामी आमालाई लिएर प्राथमिक स्वास्थकेन्द्र फिक्कल पुगेका सुर्योदय नगरपालिका–१० का सञ्जीव राई र भानुभक्त राईले भोटेलाई मुख र छातीमा मुक्का बजारेको केन्द्रका प्रमुख डाक्टर कुशल वस्तीले जानकारी दिनुभयो । । उनीहरुले अहेव तारा श्रेष्ठमाथि पनि दुव्र्यवहार गरेको डा. बस्तीले जानकारी दिनुभयो । उनीहरुले अस्पतालको इमरजेन्सी कक्षको ढोकापनि तोडफोड गरेको स्वास्थ केन्द्र प्रशासनले जनाएको छ ।

घटना लगतै प्रहरीले दुबै युवालाई नियन्त्रणमा लिएको प्राथामिक स्वास्थकेन्द्र व्यवस्थापन समितिका अध्यक्ष रोशन थापाले जानकारी दिनुभयो । घटनापछि शुक्रबार ओपीडी कक्षा बन्द गरिएको थियो । कानुनी कारवाही नभए आइतबार चार बजेदेखि ओपीडी बन्द गर्ने डा वस्तीले जानकारी दिनुभयो ।

आक्रमणमा परेका भोटेको छातीमा समस्या देखिएको डा. वस्तीले जानकारी दिनुभयो । इसिजीको रिर्पोट हेर्न ढिलो गरेको भन्दै ती युवाले आक्रमण गरेको पीडितको आरोप छ । घटनालाई राजनीतिकरण गर्ने र दोषीलाई छुटाउने प्रयास भएको भन्दै दोषीलाई कानुनी कारवाही नभए आइतबार दिउसोदेखि काम रोक्ने डा. वस्तीले बताउनुभयो ।

इलामको प्याङ, मंगलबारे, पशुपतीनगर र फिक्कलमा रहेको प्राथमिक स्वास्थकेन्द्र मध्ये फिक्कलले मात्रै इसिजी र एक्सरे सेवा प्रदान गर्दै आएको छ । २४ सै घन्टा इमरजेन्सी सेवा दिँदै आएको स्वास्थ केन्द्रमा बिहीबारको घटनापछि डाक्टर र महिला कर्मचारीमा त्रास बढेको डा वस्तीले बताउनुभयो । उहाँका अनुसार यसअघि पनि कर्मचारीलाई गालीगलौज गर्ने, धम्क्याउने क्रम रहेको भएपनि स्वास्थ केन्द्र प्रशासनले कतै उजुरी गरेको थिएन । डा वस्तीले अस्पताल हातामै प्रहरी विट राख्न वा शुरक्षाको राम्रो प्रवन्ध गर्न माग गर्नु भएको छ । घटनालाई सहमतिमा मिलाउन दवाव आउन थालेको उहाँले बताउनु भयो ।

अाजको अन्नपुर्ण पोष्ट मा तोयानाथ भट्टराइ को लेख बाट

Click to comment

Leave a Reply

Your email address will not be published. Required fields are marked *

समाचार

एमडी/एमएस, एमएन, एमपिएचको प्रवेश परीक्षाका लागि अनलाइन फर्म असोज १ गतेबाट खुल्ने

Published

on

काठमाडौं भाद्र २७। चिकित्सा शिक्षा आयोगले स्नातकोत्तर तह (पिजी)को एकिकृत प्रवेश परीक्षाको अनलाइन आवेदन फर्म खुला गर्ने निर्णय गरेको छ।

आयोगले परीक्षाका लागि असोज १ देखि १५ गतेसम्म फर्म भर्न सक्ने व्यवस्था गरेको छ। आयोगका अनुसार परीक्षा दिने विद्यार्थीले असोज १ गते बिहान १० बजेदेखि १५ गते साँझ ५ बजेसम्म आयोगको वेबसाइट मार्फत अनलाइन आवेदन फर्म भर्न सक्ने छन्।आयोगले एमडी/एमएस, एमडिएस, एमिपएच, एमिपएचएन, एएचपिइ, एमएन, एमएस्सी नर्सिङ, एम फर्मा, एमएस्सी एमआइटी लगायतका विषयमा परीक्षाका लागि अनलाइन फर्म खुला गर्ने भएको हो।

कोरोना भाइरसको महामारीका कारण परीक्षा ढिला हुन लागेको हो। यसअघि आयोगले क्यालेन्डर प्रकाशित गर्दै जेठमा परीक्षा गर्ने तयारी गरेको थियो।

 

Continue Reading

समाचार

स्वास्थ्यकर्मीको स्तरबृद्धि एक हप्ता भित्र गर्न नेपाल निजामती कर्मचारी संगठनको माग

Published

on

काठमाडौँ, ११  असार । स्वास्थ्य सेवा तर्फ पाँचौ, छैटौँ र सातौँतहका कर्मचारीको लामो समय  देखि रोकिएको स्तरबृद्धि प्रति नेपाल निजामती कर्मचारी संगठन विभागीय कार्यसमिति स्वास्थ्य मन्त्रालयले  स्वास्थ्य सेवा विभागका महानिर्देशकको ध्यानाकर्षण गराएको छ।

कार्यसमितिले बुधबार  महानिर्देशकलाई भेटि स्तरबृद्धि सम्वन्धी सबैकाम एक साता भित्र परिणाम देखिने गरी सम्पन्न गरी सार्वजनिक गर्न माग गरेको छ ।

समितिका अध्यक्ष लक्ष्मीकुमारी पौडेलको नेतृत्वमा गएको टोलीले  महानिर्देशक डा दीपेन्द्ररमण सिंहको ध्यानाकर्षण गराएको हो  ।

ध्यानाकर्षण पत्र

 

 

 

 

Continue Reading

समाचार

राष्ट्रिय जनस्वास्थ्य प्रयोगशालाले पायो अन्तर्राष्ट्रिय गुणस्तर संगठन(आईएसओ)को मान्यता

Published

on

जेठ २७ काठमाडौं । अन्तर्राष्ट्रिय गुणस्तर संगठन (आइएसओ) ले मंगलबार  राष्ट्रिय जनस्वास्थ्य प्रयोगशालालाई आइएसओ १५१८९ः२०१२ मान्यता प्रदान गरेको छ ।  प्रयोगशालाको रिपोर्टले अब अन्तर्राष्ट्रिय स्तरको  मान्यता पाउने छ ।

स्वास्थ्य सेवा विभागमा एक औपचारिक कार्यक्रमको आयोजना गरी प्रयोगशालालाई मान्यता प्राप्त गरेको प्रमाणपत्र आईएसओ नेपालका प्रमुख कार्यकारी डा. सीताराम जोशीले प्रयोगशालाका निर्देशक डा.रुणा झालाईउपलब्ध गराइएका  थिए  । आइएसओ मान्यता पाउने सरकारी प्रयोगशालाहरु मध्ये राष्ट्रिय जनस्वास्थ्य प्रयोगशाला नेपालको पहिलो संस्था भएको छ ।

कार्यक्रमका  प्रमुख अतिथि स्वास्थ्य तथा जनसंख्या मन्त्री ढकालले प्रयोगशालाले अन्तराष्ट्रिय प्रमाणिकरणबाट मान्यता पाएको मा खुसि व्याक्त गर्दै प्रयोगशालाका सम्पूर्ण टिमलाइ  धन्यवाद दिएका थिए । उनले एक जनाको कोरोना भाइरस परिक्षण विदेश पठाउन परेको स्मरण गर्दै अहिले प्रति दिन RT PCR  ५ हजार जनाको परिक्षण भैरहेको र अब छिटो १० हजार प्रति दिन गराउनु पर्ने कुरामा जोड दिए ।

‘भयरहित वातावरणमा ढुक्क भएर काम गर्नुहोस । स्वास्थ्य मन्त्रालय तपाईहरुको साथमा छ ।’

स्वास्थ्य सेवा विभागका महानिर्देशक डा.दिपेन्द्ररमण सिंहको अध्यक्षतामा कार्यक्रम भएको थियो ।  उनले आफुले कोभिड १९ सङ्क्रमणका लागि विभिन्न माहाशाखाका प्रमुखहरुलाई छुट्टाछुट्टै टिम बनाएर कार्य गर्न निदेशन दिएको जनाकारी गराएका थिए।

कार्यक्रममा बोल्दै  प्रयोगशालाकी   निर्देशक डा.रुणा झाले प्रयोगशालाले अन्तराष्ट्रिय मान्यता पाउनु सबैको लागि ठुलो  उपलब्धि रहेको भन्दै  प्रयोगशालाका सम्पूर्ण टिमलाइ धन्यवाद दिएकी  थिइन् ।

Continue Reading
Advertisement " />

प्रमुख समाचार